Սիրելի այցելուներ,

Գրականության և արվեստի թանգարանը սիրով հրավիրում է մասնակցելու «Թանգարանների գիշեր» համաեվրոպական ակցիայի շրջանակում իրականացվող միջացառումներին, որն այս տարի կանցկացվի «Թանգարաններ, կայունություն և բարեկեցություն» խորագրի ներքո.

17։00- «Մարկոս Գրիգորյան.գորգ և գործ» կրթական ծրագրի շնորհանդես
19:00-«Գիր և գրիչ» ցուցադրության բացում
20:00- Ժողովրդական երաժշտության համերգ՝ նվիրված Կարա-Մուրզայի 170-ամյակին


Մուտքն ազատ է։

Հարգելի այցելուներ,

Մայիսի 18-ին, սիրով հրավիրում ենք Գրականության և արվեստի թանգարան՝ մասնակցելու «Թանգարանների միջազգային օրվան» նվիրված միջոցառումներին․

Ծրագրում՝
13։00- Փոխըմբռնման հուշագրերի կնքման հանդիսավոր արարողություն ԳԱԹ գործընկերների հետ
13։30- Քրիստափոր Կարա-Մուրզայի 170-ամյակին նվիրված ցուցադրության բացում
14։00- Օպերային երաժշտության համերգ
Կատարողներ՝
Օպերային թատրոնի մեներգիչ- Հայկ Տիգրանյան
Օպերային թատրոնի մեներգչուհի- Օֆելյա Համբարձումյան
Դաշնակահար՝ Վասիլի Ռոլիչ, կոնֆերանսյե՝ Արմինե Տիգրանյան

Մուտքն ազատ է։

Ե. Չարենցի անվան գրականության և արվեստի թանգարանը շարունակում է հայ կինոյի 100-ամյակին նվիրված 《Կինոսրահ》 միջոցառումների շարքը։

Մայիսի 17-ին, ժամը 14։00-ին《Կինոսրահի》 հյուրն է լինելու ԳԱԱ հնագիտության և ազգագրության ինստիտուտի գիտաշխատող, պ.գ.թ. Նարինե Շամամյանը։ Նա հանդես կգա《Պարերի արտացոլումը հայ կինեմատոգրաֆիայում》թեմայով բանախոսությամբ։

Մուտքն ազատ է։

Ե․ Չարենցի անվան գրականության և արվեստի թանգարանի կինոարվեստի բաժինը մեկնարկում է հայ կինոյի 100-ամյակին նվիրված «Կինոսրահ» միջոցառումների շարքը։ Մայիսի 3-ին, ժամը 15։00-ին կինոսրահի հյուրն է պատմաբանասեր, կինոգետ, սփյուռքագետ, բանասիրական գիտությունների թեկնածու Արծվի Բախչինյանը։

Բախչինյանը հանդես կգա «Հայ կինոյի Մաշտոցը» թեմայով բանախոսությամբ, որից հետո կցուցադրվի ռեժիսոր Արտակ Ավետյանի «Համո Բեկնազարյան» ֆիլմը։




Մուտքն ազատ է։

Ապրիլի 12-ին, ժամը 14:00-ին Ե. Չարենցի անվան գրականության և արվեստի թանգարանում տեղի կունենա Պավել Ջանգիրյանի «Человек с Олимпа» գրքի շնորհանդեսը: Միջոցառման ընթացքում թանգարանին կհանձնվի դերասան Կարեն Ջանգիրյանի (Ջանգիրով) արխիվը: Այնուհետ ներկաները կդիտեն ռեժիսոր Գուժ Թադևոսյանի «Дед Маргар» ֆիլմը:

Մուտքն ազատ է:

Ապրիլի 8-ին, ժամը 14։00-ին Հայաստանում Ֆրակնոֆոնիայի օրերի շրաջանակում Գրականության և արվեստի թանգարանում տեղի կունենա «Լուիզա Ասլանյան. դիմադրության շարժման մոռացված մարտիկը» թեմայով դասախոսություն, որը կվարի լրագրող, հետազոտող Արփինե Հարոյանը։


Հասցե՝ Արամի 1
Մուտքն ազատ է։

Գրականության և արվեստի թանգարանում մարտի 23-ին, ժամը 14:00-ին, Հայաստանում ֆրանկոֆոնիայի միջոցառումների շրջանակում, կբացվի ֆրանսիական Դիմադրության շարժման հերոս, բանաստեղծ Միսաք Մանուշյանին և նրա խմբին նվիրված ցուցադրություն. կներկայացվեն նամակներ, լուսանկարներ, կինոսցենարներ և այլ արխիվային նյութերով: Միջոցառմանը կցուցադրվի ՀՍՍՀ ժողովրդական արտիստ, ռեժիսոր, սցենարիստ Լաերտ Վաղարշյանի <<Այսօր արևոտ օր է>> գրքի համանուն վավերագրական կինոնկարը՝ նվիրված մանուշյանցիներին: Ֆիլմի վերաբելյալ ներածական խոսոքվ հանդես կգա կինոգետ, արվեստագիտության թեկնածու Սիրանույշ Գալստյանը։

Մուտքն ազատ է։

Մարտի 18-ին, ժամը 15։00-ին Գրականության և արվեստի թանգարանում տեղի կունենա «Ժամանակակիցները Համո Բեկնազարյանի մասին» գրքի շնորհանդեսը։

Գրքում զետեղված են հայ և օտարզգի կինոգործիչներ Գրիգոր Չախիրյանի, Հենրիկ Մալյանի, Վերկիո Աջափարիձեի, Բորիս Սովերի և այլոց հուշերը ականավոր կինոռեժիսորի կյանքի և գործունեության մասին։


Մուտքն ազատ է։

Մարտի 1-ին, ժամը՝ 15։00-ին Գրականության և արվեստի թանգարանում տեղի կունենա հոլանդական «Black Swan»- կվինտետի և քամանչահար Հակոբ Խալաթյանի համատեղ համերգը։

Համերգային ծրագրում կհնչեն հայկական աշուղական երգեր, կոմպոզիտորներ Խաչատուր Ավետիսյանի, Ծովակ Համբարձումյանի ստեղծագործություններից, հոլանդական ժողովրդական երգեր և այլն։

Մասնակիցներ՝ Իվո Բոսվայկ ( կիթառ ), Շյուրթ Բակկեռ ( կիթառ ), Մարոլայն Սպրենջերս ( երգ, դհոլ ), Հակոբ Խալաթյան ( քամանչա )

 

Մուտքն ազատ է։ Սիրով սպասում ենք․․․

Սիրելի հետևորդներ,

Գրականության և արվեստի թանգարանը Գիրք նվիրելու օրվա շրջանակում՝ փետրվարի 19-ին, ժամը 11։00-16։00 իրականացնելու է «Մուտքը՝ գրքով» ակցիան։
Այդ օրը բոլոր այցելուները կարող են տոմսի փոխարեն թանգարան մուտք գործել գրքով։ Գրականության և արվեստի թանգարանը բարեգործական ակցիայի շրջանակում հավաքված գրքերին կավելացնի թանգարանի հրատարակություններից ևս և ամբողջը կնվիրաբերի մանուկների խնամքով զբաղվող կենտրոններից մեկին։

Սիրով սպասում ենք․․․

Ս․թ․ փետրվարի 2-ին՝ ժամը 11։00-ին, Գրականության և արվեստի թանգարանում կբացվի «Հոբելյարը» խորագրով ժամանակավոր ցուցադրությունը՝ նվիրված անվանի գրող, արձակագիր, դրամատուրգ Ալեքսանդր Շիրվանզադեի ծննդյան 165-ամյակին։

Ցուցադրության շրջանակում կներկայացվեն Շիրվանզադեի գրական և ստեղծագործական գործունեության տարբեր տարիների հոբելյանական միջոցառումների հրավիատոմսեր, ուղերձներ, արխիվային լուսանկաներ, նամակներ և այլն։


Սիրով սպասում ենք բոլորիդ։

Հասցե՝ Արամի 1

Գրականության և արվեստի թանգարանը Արամ Խաչատրյանի տուն-թանգարանի հետ համատեղ հրավիրում են ռեժիսոր, սցենարիստ, ժողովրդական արտիստ Լաերտ Վաղարշյանի ծննդյան 100-ամյակին նվիրված ժամանակավոր ցուցադրության բացմանը, որը տեղի կունենա նոյեմբերի 24-ին, ժամը 19։00-ին մեծանուն կոմպոզիտորի տուն-թանգարանում։


Մուտքն ազատ է։

Գրականության և արվեստի թանգարանը Երևանի Կոմիտասի անվան պետական կոնսերվատորիայի հետ համատեղ՝ Կրթության, գիտության, մշակույթի և սպորտի նախրարության աջակցությամբ ս․թ․ նոյեմբերի 3-ին, ժամը 14։00-ին կազմակերպում է հայ մեծանուն դիրիժոր և մանկավարժ Կոստանտին Սարաջևի 145-ամյա հոբելյանին նվիրված «Սարաջևյան ընթերցումներ» խորագրով գիտաժողով և ցուցադրության բացում։


Մուտքն ազատ է։

Սիրով հրավիրում ենք մասնակցելու Միքայել Շաթիրյանի 《Արծաթե դար》 գրքի շնորհանդեսին, որը տեղի կունենա ս.թ. հոկտեմբերի 21-ին, ժամը՝ 15։00, Գրականության և արվեստի թանգարանում։

Բանախոսներ՝ Նինա Հայրապետյան, Հասմիկ Շաթիրյան

Մուտքն ազատ է։

Հոկտեմբերի 14, ժամը 15:00-ին սիրով հրավիրում ենք Գրականության և արվեստի թանգարան՝ մասնակցելու «Նիկոլայ Զաբոլոցկին եվ նրա վերջին պոեմը» խորագրով դասախոսությանը․ բանախոս՝ Ռիտա Հարությունյան


Մուտքն ազատ է։

Սիրով հրավիրում ենք Ձեզ Արշակ Չոպանյանի ծննդյան 150-ամյակին նվիրված «Դարից երկար» խորագրով ցուցահանդեսի բացման հանդիսավոր արարողությանը, որը տեղի կունենա 2022 թ. հոկտեմբերի 11-ին, ժ. 17:00-ին Կոմիտասի թանգարան-ինստիտուտի ժամանակավոր ցուցադրությունների սրահում:


Հասցե՝ Երևան, Արշակունյաց 28

Ե․ Չարենցի անվան գրականության և արվեստի թանգարանը, Երևանի պետական համալսարանի՝ ակադեմիկոս Հրանտ Թամրազյանի անվան հայ գրականության պատմության ամբիոնը և «Երևանի պետական համալսարան» հիմնադրամի Իջևանի մասնաճյուղի հայոց լեզվի և գրականության ամբիոնը համատեղ կազմակերպում են հայագիտական միջազգային գիտաժողով՝ նվիրված 20-րդ դարի գրական, հասարակական ու մշակութային նշանավոր գործիչ Արշակ Չոպանյանի ծննդյան 150-ամյակին:

Գիտաժողովի նիստերը տեղի են ունենալու Գրականության և արվեստի թանգարանում և Իջևանում՝ ԵՊՀ Իջևանի մասնաճյուղում, 2022 թ. հոկտեմբերի 7-ին և 8-ին: Զեկուցումները պետք է վերաբերեն հայ մշակույթի երախտավորի ազգային-հասարակական գործունեությանը, գեղարվեստական գործերին, թարգմանչական աշխատանքներին, գիտական, մասնավորապես՝ բանասիրական և գրաքննադատական ուսումնասիրություններին:

Գիտաժողովի աշխատանքային լեզուներն են հայերենը, ռուսերենը, ֆրանսերենը, անգլերենը:
Արտասահմանցի մասնակիցներն իրենց զեկուցումները կարող են ներկայացնել առցանց՝ ZOOM հարթակում:

Հայերեն զեկուցումների վերնագրերը, նկարագրականները (շուրջ 250 բառ) և մասնակցության հայտերը անհրաժեշտ է մինչև 2022 թվականի օգոստոսի 15-ը ուղարկել հետևյալ էլեկտրոնային հասցեին՝ Этот адрес электронной почты защищён от спам-ботов. У вас должен быть включен JavaScript для просмотра.

Հայտերը ուղարկելիս նշել անուն, ազգանուն, գիտական աստիճան, աշխատավայր, պաշտոն, հեռախոս: Հայտերի ստացումից հետո ընտրված մասնակիցները վերաբերյալ կտեղեկացվեն մինչև սեպտեմբերի 10-ը:

«Եվրոպական ժառանգության օրեր» համաեվրոպական ակցիայի շրջանակում Գրականության և արվեստի թանգարանը Գաբրիել Սունդուկյանի անվան ազգային ակադեմիական թատրոնի հետ համատեղ և ՀՀ կրթության, գիտության, սպորտի ու մշակույթի նախարարության աջակցությամբ սեպտեմբերի 26-ին, ժամը 17։00-ին մայր թատրոնում կբացի «Գ․ Սունդուկյանի անվան ազգային ակադեմիական թատրոն - 100» խորագրով ժամանակավոր ցուցադրությունը՝ նվիրված հայ առաջին պետական թատրոնի հիմնադրման 100-ամյակին։


Մուտք ազատ է։