Փետրվարի 15-ին՝ սիրահարների բարեխոս Սուրբ Սարգսի տոնին, Գրականության և արվեստի թանգարանն ի նշանավորումն մեծանուն քնարերգու Վահան Տերյանի ծննդյան 140-ամյակի՝ գեղեցիկ անակնկալ է պատրաստել սիրահարների համար։
Թանգարանում դրված տուփից հանելով բացիկը՝ դուք հնարավորություն կունենաք տերյանական բառերով սիրային խոստովանություն կարդալու ձեր սիրելիի համար:
Սիրով հրավիրում ենք տոնելու Սուրբ Սարգսի տոնը Գրականության և արվեստի թանգարանում, վերապրելով տերյանական քնքուշ ու երազային սիրո մթնոլորտը, որտեղ յուրաքանչյուր խոսք դառնում է սիրո խոստովանություն։
ԳԱԹ-ն այս տարի միացել է նաև «Բուկինիստ» գրախանութի «Գաղտնի գրքասեր» ծրագրին: Ձեր սիրելիին գիրք նվիրելու դեպքում անվճար կստանաք տերյանական էջանիշ, որը փետրվարի 15-ին և 16-ին թանգարան ներկայացնելիս անվճար շրջայցի հնարավորություն կունենաք:
