Դեկտեմբերի 4-ին, ժամը 15։00-ին Գրականության և արվեստի թանգարանում տեղի կունենա Մարտուն Սիմոնյանի «Գոռը» վիպակի շնորհանդեսը։
Ելույթ կունենան արվեստի և գրականության ոլորտի ներկայացուցիչներ, կհնչեն հատվածներ գրքից, ասմունք և դասական երաժշտություն։


Մուտքն ազատ է:

Գրականության և արվեստի թանգարանը սիրով հրավիրում է բոլորին մասնակցելու թատրոնի և կինոյի դերասանուհի, ՀՀ ժողովրդական արտիստուհի Գալյա Նովենցի և բեմադրիչ, ՀՀ ժողովրդական արտիստ Երվանդ Ղազանչյանի արխիվի հանձման արարողությանը:

Միջոցառման շրջանակում կցուցադրվեն բեմական հագուստ, լուսանկաներ և փաստաթղթեր Գ. Նովենցի և Ե. Ղազանչյանի արխիվից, ինչպես նաև ելույթ կունենան Հ. Պարոնյանի անվան երաժշտական կոմեդիայի պետական թատրոնի արտիստները։

Ս․թ․ նոյեմբերի 26-ին ժամը 16։00-ին Հյուսիսային պողոտա 6/2 հասցեում՝ Տաշիր Սթրիթ կենտրոն, տեղի կունենա Ե․ Չարենցի անվան գրականության և արվեստի թանգարանի 100-ամյակին նվիրված «Նվեր Երևանին» ցուցադրության բացման պաշտոնական արարողությունը։

Ինչ նվերներ են ստացել և միմյանց տվել հայ անվանի գործիչները․ «Նվեր Երևանին» ցուցադրության մեջ ներկայացված են ուշագրավ ցուցանմուշներ՝ Թանգարանի ֆոնդերից։

Bebook շարժական թատրոնը հոկտեմբերի 23-ին և 24-ին 15։00-ին սիրով հրավիրում է բոլոր փոքրիկներին մասնակցելու իր ստվերային ինտերակտիվ ներկայացմանը, որի ընթացքում մեր փոքրիկ հանդիսատեսը հնարավորություն կունենա դիտելու միանգամից 5 հեքիաթ՝ «Չարի վերջը», «Կիկոսի մահը», «Պապն ու շաղգամը», «Գնդլիկ բոքոնիկը» և «Երեք խոզուկները»։ Ներկայացման սկզբում միասին կպատրաստենք հեքիաթների հերոսներին և կվայելենք ներկայացումը։

Դե ինչ, սիրով սպասում ենք բոլորիդ Գրականության և արվեստի թանգարանում՝ Արամի 1 հասցեում։

Տոմսերի արժեքն է 1500 դրամ։
Մանրամասների համար գրեք մեր էջին կամ զանգահարեք 055 80 81 15 հեռախոսահամարով