Ստեղծվել է 1948 թվականին, Աշտարակում, հայ խոշորագույն դասական գրող Պերճ Պռոշյանի (1837-1907) հայրական տան հիման վրա: Վերջինիս կից կառուցվել է երեք ցուցասրահ, որոնցից մեկը կահավորված է գրողի անձնական իրերով, մյուս երկուսում ցուցադրված են նրա կյանքին ու գործունեությանը վերաբերող հարուստ նյութեր: Դրանք հիմնականում ձեռք են բերվել Պռոշյանի ժառանգների նվիրատվությամբ: Այսօր տուն-թանգարանում առկա են 2000-ից ավելի հուշային եւ օժանդակ նյութեր, որոնց շնորհիվ այցելուները հաղորդակցվում են մեծ արձակագրի գրական, մանկավարժական, հասարակական բազմաբեղուն գործունեությանը:
Տուն-թանգարանը վերանորոգվել է 2008 թվականին, նորացվել է նաեւ ցուցադրությունը:
Մեծ գրողի տունը, որ միշտ լեցուն է այցելուներով, Աշտարակի ամենագործուն մշակութային օջախն է: Այցելուներն այստեղ ծանոթանում են Պռոշյանի հիշատակը հավերժացնող մասունքերին, ստեղծագործություններին, մասնակցում դրանց հիման վրա կազմակերպվող միջոցառումներին, որոնք ոգեկոչում են Պռոշյանի ապրած ժամանակը, կենցաղն ու գրական-մշակութային կյանքը:
| ԿՈՆՏԱԿՏԱՅԻՆ ՏՎՅԱԼՆԵՐ | |
|---|---|
| Հասցե՝ | ք. Աշտարակ, Պռոշյան փ., շն. 4 |
| Էլ. հասցե՝ | Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ |
| Հեռախոս՝ | /232/ 332 54 |
| ԲԱՑԱՏՐՈՒԹՅԱՆ ՏՈՄՍԻ ԱՐԺԵՔԸ | |
|---|---|
| Հայերեն` | 2000 դրամ |
| Ռուսերեն` | 3000 դրամ |
| ՑՈՒՑԱԴՐՈՒԹՅԱՆ ՏՈՄՍԻ ԱՐԺԵՔԸ՝ | |
|---|---|
|
Մեծահասակներ՝ Աշակերտ, ուսանող՝ |
1000 դրամ 500 դրամ |
| ՑՈՒՑԱԴՐՈՒԹՅՈՒՆԸ ԲԱՑ Է՝ | |
|---|---|
|
Երեքշաբթի-ուրբաթ շաբաթ |
11:00-17:30 12։30-19։30 |
| Կիրակի | 11:00-16:00 |
| Երկուշաբթի | հանգստյան օր |
| ՄՈՒՏՔՆ ԱՆՎՃԱՐ Է |
|---|
անձը և կարգավիճակը հաստատող փաստաթղթի առկայությունը պարտադիր է: |
|
|
